तातोपानी कुण्ड स्नान गर्न आउनेलाई होम स्टेको सुविधा प्रभावकारी

पोखराखबर डट कम समाचारदाता
म्याग्दी २३ माघ ।

 

तातोपानीमा डुबेर उपचार गराउन आउने बिरामीहरुका लागि स्थानीयवासीले साचालन गरेको होम स्टेको सुविधा प्रभावकारी बनेको छ । म्याग्दी नदीको किनारमा अवस्थित तातोपानी कुण्ड प्राकृतिक उपचारस्थलको रुपमा विकसित भएपछि स्थानीयवासीले प्रत्येक घरमा पाहुनाका लागि खाने बस्ने सुविधासहितको होम स्टेको व्यवस्था गरेका हुन् । सिङ्गा गाविसको वडा न। ४ मा पर्ने तल्लो र उपल्लो तातोपानी बजारका प्रत्येक घरमा होम स्टेको सुविधा छ ।
यहाँका करिब १६० घरमा यो सुविधा पाइन्छ । पाहुनाका लागि प्रत्येक घरमा एकवटा देखि आठवटासम्म कोठाको व्यवस्था छ । कोठामा आफै खाना पकाएर खान चाहनेहरुका लागि भाँडा र इन्धनको सुविधा पनि उपलब्ध गराइने स्थानीय होटल व्यवसायी कृष्ण खडकाले बताउनुभयो । एकवटा कोठामा एक हप्ता बसेवापत सुविधाअनुसार रु। तीनसयदेखि रु। एकहजार तिर्नुपर्छ ।
होम स्टेको सुविधाका कारण तातोपानीमा आउने पर्यटकहरुलाई निकै सुविधा पुगेको कुण्ड व्यवस्थापन समितिका अध्यक्ष वीरेन्द्रमान शाक्य बताउनुहुन्छ । आन्तरिक पर्यटन प्रवद्र्धन गरी तातोपानी कुण्डलाई प्राकृतिक उपचारस्थलको रुपमा विकास गर्न २० वर्षदेखि साचालन गरिएको होम स्टेको सुविधाले महत्वपूर्ण भूमिका निर्वाह गरेको शाक्यले बताउनुभयो ।
बागलुङ गल्कोटकी शर्मिला शर्माले भने – ‘होम स्टेको व्यवस्था भएका कारण टाढाटाढाबाट आउने बिरामीहरुलाई निकै सुविधा पुगेको छ ।’ स्थानीय होटल व्यवसायी मिलन रोकाका अनुसार पहिलेपहिले तातोपानीमा उपचारका लागि आउनेहरु ओडार र नदी किनारमा छाप्रो बनाएर बस्ने गर्थे ।
जमिनभित्रबाट नुनिलो र गन्धकको गन्ध आउने ५० डिग्री सेन्टिग्रेड भन्दाबढी तातोपानी निस्कने सो कुण्डमा डुबेर ग्यास्ट्रिक हाडजोर्नी डुख्ने घाउ चोटपटक लाग्ोको चर्मरोगलगायत रोगका बिरामीहरु निको हुने गरेका छन् । कुण्ड व्यवस्थापन समितिकी कर्मचारी मेखी खत्रीका अनुसार देशका ७५ वटै जिल्लाबाट दैनिक ५० देखि दुईसय जनासम्म बिरामी उपचारका लागि आउने गरेको खत्रीले बताउनुभयो । गत वर्ष १४ हजार जना बिरामी कुण्डमा उपचारका लागि आएकामा ६० प्रतिशत बिरामी निको भएर फर्केको कुण्ड व्यवस्थापन समितिले जनाएको छ ।

अष्ट्रेलियमा नेपाली विद्यार्थीमाथि साँघातिक आक्रमण, अबस्था गम्भीर

पोखराखबर डट कम समाचारदाता
काठमाडौं, २३ माघ ।

 

अध्ययनका लागि अष्ट्रेलिया गएका एक नेपाली विद्यार्थी आक्रमणबाट सख्त घाइते भएका छन । गत आइतवार विहानै काममा जाँदै गर्दा विपिन श्रेष्ठमाथि आक्रमण भएको हो । उनले अध्ययन गरेको कलेज र नेपालको ठेगाना खुलेको छैन् । उनी अहिले अस्पतालको कोमामा छन् ।

अष्ट्रेलियाको पत्रिका द डेलि टेलिग्राफका अनुसार आइतवार विहानै काममा जादै गर्दा ३० बर्षिय श्रेष्ठमाथि पछाडीबाट दुई जनाले आक्रमण गरेका थिए । उनी ओकास एभस्थित डे हृवाई फ्रेस मार्केटमा काम गर्थे । पछाडीबाट भएको आक्रमणको कारण उनको टाउको र अनुहारमा ठुलो चोट लागेको छ ।

प्रहरीलाई उदृत गर्दै टेलिग्राफले लेखेको छ, ुउनलाई भुइमा लडाएर पिटिएको थियो । टाउको र शरिरमा जथाभावी हिर्काइएको थियो । आक्रमणपछि भुईमा लडेको उनको गाला र आखी भौँका हडि्ड भचिएको छ । अस्पताल ल्याउनुअघि उनको दिमागबाट रगत बगेको थियो ।ु

घटनापछि उनलाई स्थानीय रोयर नर्थ सोरी अस्पतालमा पुर्‍याइएको थियो । अस्पतालका प्रवक्ताले उनको अवस्थाबारे ुखतरा तर स्थिरु बताएका छन् । प्रहरीले उनको अवस्था चिन्ताजनक रहेको जनाएको छ । श्रेष्ठ अष्ट्रेलिया गएको १५ महिना भएको स्थानीय सञ्चार माध्यमहरुले उल्लेख गरेका छन् । उनी व्यवस्थापनका विद्यार्थी हुन ।

उनी मासु पसलमा सरसफाइको काम गर्थे । प्रत्येक बर्ष कलेजमा २० हजार अमेरिकी डलर पढाई शुल्क तिर्नुपर्ने उनी तिनरचार ठाउँमा काम गर्थे । उनीमाथि अकल्याण्डबाट विदा मनाउन तीन साताअघि अष्ट्रेलिया आएको १७ बर्षे र अर्को १९ बर्षे मेलेन्गा कानोन्गाटाले आक्रमण गरेको प्रहरीको अनुमान छ ।

भारतीय विद्यार्थीमाथि अष्ट्रेलियामा लगातार आक्रमण भएको सामाचार आइरहेको बेला नेपाली विद्यार्थीमाथि पहिलो पटक सांघातिक आक्रमण भएको हो । सन् २००९ मा अष्ट्रेलियामा ५४ जना विद्यार्थीमाथि आक्रमण भएको थियो । त्यसमा आधा भारतीय विद्यार्थी थिए । यसरी आक्रमण भएकामध्ये धेरैको मृत्यु भएको छ । भारतपछि कोरयिा र चीनका विद्यार्थी बढी आक्रमणमा परेका छन् ।

उपप्रधानमन्त्रीलाई कालोझण्डा, कार्यकर्ताको प्रहरीसँग झडप

पोखराखबर डट कम समाचारदाता
काठमाडौँ, १४ पर्सा, १५ माघ/ उपप्रधानमन्त्री विजयकुमार गच्छदारलाई शुक्रबार वीरगन्जमा कालो झण्डा देखाउने क्रममा मधेसी जनअधिकार फोरमका कार्यकर्ताको प्रहरीसँग झडप भएको छ । मूर्ली चोकमा बिहानैदेखि कालो झण्डा र व्यानर लिएर बसेका युवा तथा विद्यार्थी फोरमका कार्यकर्ताहरुलाई मध्यान्ह करिव १२ बजे प्रहरीले त्यहाँबाट हटाउने प्रयास गर्दा झडप भएको हो । झडपमा फोरम वीरगन्ज वडा नं १६ ईकाई अध्यक्ष नुर आलम अन्सारीको टाउको फुटेको छ । प्रहरी नायब उपरीक्षक योगबहादुर पाललाई सामान्य चोट लागेको छ । फोरमका अन्य आधा दर्जन कार्यकर्ता सामान्य घाइते भएका छन् । मधेसी जनअधिकार फोरम लोकतान्त्रिकका अध्यक्षसमेत रहेका गच्छदार आउनु अघिनै फोरमका कार्यकर्ताहरुले उनलाई वीरगन्जमा प्रवेश निषेध गरिएको व्यानर मूर्ली चोकमा झुण्डयाएका थिए । पछि प्रहरीले उक्त व्यानर हटाएको थियो । प्रहरीले फोरम कार्यकर्ताहरुलाई मूर्ली गाउ भित्र सम्म लखेटेको थियो । प्रहरीले फोरम नगर ईन्चार्ज अजयकुमार चौरसिया, श्रमिक फोरमका केन्द्रीय अध्यक्ष बिन्देश्वर यादव, सहिद अन्सारीलाई नियन्त्रणमा लिएको थियो । उता पावरहाउस चोकमा कालो झण्डा लिई बसेका माओवादीका कार्यकर्ताले भने उपप्रधानमन्त्रीलाई कालो झण्डा देखाएका थिए । प्रहरीले उनीहरुलाई तत्कालै नियन्त्रणमा लिएको थियो । त्यहाँबाट प्रहरीले माओवादी कार्यकर्ताहरु रामबाबु यादव, अजित यादब र प्रभाकर गुप्तालाई केही बेर नियन्त्रणमा लिई छोडेको थियो ।माघ ।

उपप्रधान तथा परराष्ट्रमन्त्री सुजाता कोईरालाले करोडौं रुपैयाँ ठगी गरी बेपत्ता भएका आफ्ना स्वकीय सचिव भरत सापकोटालाई बर्खास्त गरेकी छिन्। परराष्ट्रमन्त्री कोइरालाका स्वकीय सचिव भरत सापकोटा ५० भन्दा बढी ब्यक्तिबाट करिव एक करोड ठगी गरी फरार भएका छन्।
उनले परराष्ट्रमन्त्रीलाई भनेर काम लगाइदिने,सरुवा गरिदिने तथा अमेरिका युरोपलगायतका मुलुक पठाई दिने भन्दै करिब १ करोड रुपैँयाभन्दा बढी ठगी गरी परराष्ट्र मन्त्रालयको गाडि लिएर एक सातादेखि सम्पर्कविहीन भएका छन्।
पाँचजना अफगानी नागरिकलाई पासपोर्ट दिएको अभियोगमा परराष्ट्र मन्त्रालयका नायव सुव्बा बच्चुराम केसी पक्राउ परेपछि उनी बेपत्ता भएका हुन्।
पीडितहरूले परराष्ट्रमन्त्रीको मन्डिकाटारस्थित निवासमा सापकोटाले लिएको पैसा फिर्ता दिलाइदिनुपर्छ भन्दै बुधबार धर्ना दिएका थिए।
उनीमाथि विदेशीलाई पासपोर्ट दिएको र ठगी गरेको आशंका गरिएको छ।
सुजाताले करोडौं रूपैंया ठगी गरी बेपत्ता भएका आफ्ना स्वकीय सचिव सापकोटालाई पक्राउ गरी आफूसमक्ष ल्याउन प्रहरीलाई आदेश दिएकी छिन्। साथै ठगिएको रकम फिर्ता गराईदिने आश्वासन दिएकी छिन्।

काङ्ग्रेसले तत्काल सरकारको नेतृत्व गर्दैन : कोइराला

१६ माघ, घोराही । नेपालीΛ काङ्ग्रेसका कार्यबाहक सभापति सुशील कोइरालाले काङ्ग्रेसले तत्काल सरकारको नेतृत्व नगर्ने बताउनुभएको छ । उहाँले सरकारमा रहेका आफ्ना मन्त्रीहरुलाई पनि परिवर्तन नगरिने बताउनुभयो ।

शुक्रबार बसेको काङ्ग्रेस संसदीय दलको बैठकमा अधिकांश सभासदहरुले वर्तमान सरकार परिवर्तन गरी काङ्ग्रेसले नेतृत्व गर्नुपर्ने बताएका थिए । उनीहरुले हाल सरकारमा सहभागी काङ्ग्रेसका मन्त्रीहरुलाई फिर्ता बोलाइ युवाहरुलाई पठाउनुपर्ने माग गरेका थिए ।

प्रेस युनियन दाङले आज विहान घोराहीमा आयोजना गरेको पत्रकार भेटघाटमा कार्यबाहक सभापति कोइरालाले भन्नुभयो, ‘सरकार परिवर्तन भए मुलुक अस्थिरतामा जाने भएकोले अहिले सरकार परिवर्तन गर्नु हुँदैन र काङ्ग्रेसका कोही पनि फिर्ता हुँदैनन् ।’

माओवादी कृयाकलापको कडा विरोध गर्दै उहाँले माओवादी धम्कीका अगाडी काङ्ग्रेस अब चुप लागेर नबस्ने बताउनुभयो । माओवादीले नक्सलवादीको चरित्र प्रदर्शन गरेको टिप्पणी गर्दै उहाँले माओवादी देश विकासको बाधक रहेको आरोप लगाउनुभयो ।

‘निभ्न लागेको बत्ति जस्तै माओवादी पतनको दिशामा रहेको छ,’ कोइरालाले भन्नुभयो ।

गैरआवासीयलाई परिचयपत्र दिने तयारी पुरा